Leiðari

Þorgerður María Þorbjarnardóttir, formaður Landverndar

Það getur reynst erfitt að eiga upplýstar umræður þegar sífellt er reynt að slá ryki í augu almennings. Fölskum fullyrðingum er gjarnan haldið fram af aðilum sérhagsmuna. Pólitíkusar og fjölmiðlar enduróma svo upp til hópa þessar fullyrðingar svo venjulegt fólk úti í bæ fær í fangið það hlutskipti að gæta sinna eigin hagsmuna, þegar það eru einmitt kjörnir fulltrúar og fjölmiðlar sem eiga að gera það. Þá er það samstaðan sem er svo dýrmæt og kröftugir sjálfboðaliðar sem þreytast ekki og halda áfram að grúska og miðla og berjast fyrir sínum réttindum.

Ísland er lýðræðissamfélag en við höfum séð lýðræðið veikjast um allan heim. Því miður. Félagið VÁ og Seyðfirðingar allir sem lagt hafa málefninu lið eiga hrós skilið fyrir að halda á lofti sínum réttindum og sinni andstöðu. Þá er bara spurning hvort stjórnvöld hlusti.